Lyfjastofnun tilkynnir hér með um breytta stjórnsýsluframkvæmd á sviði apóteka. Frá og með 1. janúar 2020 verður dreifibréf Lyfjastofnunar 03/2008/LS fellt úr gildi og frá sama degi öðlast gildi nýtt dreifibréf Lyfjastofnunar 01/2020/LST.

Hátíðarkveðjur frá Lyfjastofnun með þökkum fyrir samstarfið á árinu sem er að líða. Í ár fer jólakortastyrkur stofnunarinnar til Barnaspítalasjóðs Hringsins og mun ágóð seldra jólaborða renna óskiptur í að bæta aðstæður fyrir börn og aðstandendur þeirra í íbúðum Barnaspítalans.

Í síðasta mánuði bárust Lyfjastofnun Evrópu (EMA) upplýsingar um að nítrósamínefnið NDMA hefði fundist í nokkrum sykursýkislyfjum sem innihalda metformín. Styrkur NDMA í þessum lyfjum hefur reynst mjög lágur og er ýmist rétt undir eða rétt yfir viðmiðunarmörkum. Lyfin sem um ræðir eru einungis á markaði utan Evrópu.

Lyfjastofnun hefur ákveðið að endurskoða hvernig afsláttur af skráningargjöldum og árgjöldum er veittur. Þetta er gert til að bregðast við lyfjaskorti í því skyni að fjölga markaðssettum lyfjum á Íslandi. Kallað er eftir ábendingum og tillögum frá hagsmunaaðilum um framkvæmd lækkunar þessara gjalda. Frestur til að skila inn ábendingum og tillögum hefur verið framlengdur til 15. janúar 2020.

Stutt samantekt um ný lyf sem komu á markað 1. desember 2019.

Íslensk þýðing á upplýsingum um natríum í fylgiseðlum lyfja sem innihalda 1 mmól (23 mg) í skammti hefur verið leiðrétt. Rétt þýðing mun birtast síðar í hjálparefnaviðaukanum sem birtur er á vef Lyfjastofnunar Evrópu. 

Tilkynningar um aukaverkanir lyfja voru færri í nóvember síðastliðnum en í október. Aftur á móti voru tilkynningar um alvarlegar aukaverkanir hlutfallslega fleiri í nóvember en aðra mánuði ársins.

Nýverið voru birtar í tímaritinu American Journal of Kidney Diseases niðurstöður rannsókna sem styrktar voru af bandarísku sjúklingasamtökunum National Kidney Foundation; niðurstöður sem gætu orðið forsenda fyrir þróun nýrra lyfja. Einn rannsakenda er sérfræðingur hjá Lyfjastofnun, Hrefna Guðmundsdóttir lyf- og nýrnalæknir.

Vegna slæmrar veðurspár verður móttaka Lyfjastofnunar lokuð frá kl. 14:30 í dag þriðjudaginn 10. desember.  Í neyðartilvikum má hringja í s. 899 6962.

Sérfræðinganefnd Lyfjastofnunar Evrópu (EMA) um lyf fyrir dýr (CVMP) kom saman til fundar dagana 3.-5. desember sl.